昨晚情緒真的鬧得很兇。無端的大哭一埸，把最近所有不開心的事全都發洩出來!!很久沒有這樣痛快的哭過，但當時的心情真的跌到落谷底！其實問我為什麼會這樣我真的不知道，硬要我說的話就只可以最近家中所發生的事影響我。媽媽對我什麼事也看不順眼，什麼事也可以鬧，做錯小小事也可以鬧得很兇，好像我真的十惡不赦，一無是處！我真的很想請問你「生性」的定義是什麼？

我知道人會累，我知道我應該幫手做家務，但請不要當我是工人般奉指要做，我不是工人，語氣唔該好d！我想休息一下有什麼過分!?我是真的什麼也不做嗎？還是你覺得這些是我應該要做，你己不懂得欣賞，而且要求更多！？要知道我跟你生活於不同年代，請不要要求我跟你小時候一樣！一家人真的要這麼斤斤計較嗎？亦請你不要處處把我跟別人比，我是我，你不可能要求我跟別人一樣！有想過我的感受嗎？如果你真的想我對你服侍周到，請從小教導我，而不是二十多年後要求我！

關心我請用其他方法，你跟我已相處了廿二年，我需要怎麼的方法相處難道你還不清楚嗎？還是知而不做？請不要在我心情不好的時候(尤其你明知的)再落井下石，你驚我唔死嗎？關心不是這樣的，我不告訴你必定有我的原因，唔使鬧呀！？或許我們都一樣不懂表達我們的感情，如果是這樣的話，請你在適當的時候保持沈默，讓我冷靜下，到我想講的時候自然會講你知。我不告訴你，請你想想為什麼我不告訴你。你以為我不想跟你傾訴嗎？但你會了解我嗎？你一直堅持的相處方式，令我不想跟你談心事，因為你沒有了解我內心的感受，我說什麼你都只會說教，你能用朋友的身份聽我說心事嗎？你不能！因為你總是強調你是我的媽媽，不是我的朋友！那我怎麼跟你談心？我真的很羡慕別人能跟媽媽什麼也能談！

你只看到別人的好，那我的呢？

久違了的xanga我回來了!!掛念我嗎?因為屋企部電腦實在load得太慢, 對住佢都無乜心機打!!加上排山倒海的quiz同project,已經奪去我大部分的時間!!! 我宜家就身處於學校的library。

好眼訓, 喪眼訓, 勁眼訓!!

每年最討厭既一樣野唔係考試而係執file!!  平時上堂係咁將d野質晒入個file度, 然後要係年尾一次過由頭抄番晒d野出來排好佢,真係好煩!  有時又唔係d野飛晒去邊!!仲要執左佢都未必睇!!真係好煩!!見到d同學仔將d野攤開晒然後好苦惱咁係度埋頭苦執,又執到忟,真係十萬個唔願意去執!!!

我真係唔知讀左咁多年書check file is what for!?個file又係我地keep,齊唔齊都唔關你事啦, 做乜仲要計分啫!! 明明就係自己個file, 唔齊自己會去影印架啦!!執得咁整齊到頭由咪又係亂晒!!唗氣!!

有時有d野又唔使串到行既!!真係唔會個個都就你!我睇你出到去你點算!

我要食小肥羊呀!!

我的前路現在又好像有點頭緒!!

哈哈~~今日rubibi發現左用ebuddy on msn, 真係一個重大發現(雖然可能大家已經用左好耐)!!呢d咪叫做道高一尺魔高一丈囉!

我部電腦真係命不久已，我諗佢真係中左毒

踏入三月，即係話我既學園生涯仲淨番兩三個月，係時候開始好好計劃下我既將來。當初揀admin讀係因為唔使對住人，因為我口才唔好，但讀左兩年，開始覺得唔喜歡刻板的工作，始終白羊座都係喜歡challenging job，so開始向cs既方向進發。女仔都係愛美的，係人都鍾意套uniform靚架啦，而cx就係其中一個好例子啦！！由於高度所限，crew就無我份架啦，同埋聽聞個interview都幾難，好多人考左好多次都唔得，我呢ｄ small potato就更加難啦！！所以就向地勤方向進發，我諗我可以勝任掛，不過而家十劃都未有一撇，都唔知有無得interview，呢個話題都係容後再談。

都係講返ｄ近期ｄ既野，話晒都就來畢業，我都想我張report靚靚地咁去見工，所以未來的幾個月將要很努力，aim at GPA起碼有3畢業！！咁我搵工都易D

哈哈哈~~~有一個月無update過xanga!!!因為家中的電腦真係慢過隻龜!!今日心情好振奮,acc堂勁勤力咁做數(雖然唔知岩唔岩),now係computer堂,無野做,update下xanga啦!!

派左卷,真係好suprise, 科科都係預期中的差, 得一科八字頭, 連我最勁的admin係有史以來咁低,搞乜!?仲有最奇怪既係電腦成part()分!!發生咩事!?難道我無save!?係我明明記得有架!不過我做既時候都覺徥怪怪地, 估唔到真係賴野!好彩唔使補考!記住聽書啦!又唔係勁過人!!

為左下學期張成績表靚d, 我要努力!!我要奮鬥!!仲有係唔可以遲到!! 仲要交齊功課!!

搞grad din, 隔離班正xx, 成班大帝咁!嫌貴咪唔好去囉, 無左你唔會死!無左你仲好,我地有多d場地揀!!唔好以為自己好巴閉!!仲要脅我地唔去...點知俾人串!!低死!